Norway - Stavanger
到Stavanger行山之旅是邊行邊plan。好在三小時的車程有wifi，我可以盡用行車時間做資料搜集。雖然一直不是山友，但既然來到又俾我知道，就不想錯過這個美景。
 |
| Navneet用這張相引了我去Stavanger |
預計行程
6am-9:30am bus to
Stavanger
9:30am 到火車站的locker放下背囊，換上可行山的輕裝+找到坐船去Preikestolen的碼頭+食早餐
10:00am 坐船約（30分鐘）去Preikestolen
10:30am 到步，再坐巴士到路徑的起步點(140 Nok return)
11am- 2小時上山+2小時落山
4pm (最遲)坐巴士回Preikeston碼頭
6pm 與Ali 在火車站的查詢位置會面
我在香港很少行山，更未試過自己plan行程。網上見到其他遊客寫 from Starting point...
The track takes about 2 hours each way, 4 hours return。人生路不熟，希望一切會順利。
誤了開船班次
巴士到步，我即衝到火車站的store room放下大背囊。不過我個backpack太大，搞咗十幾分鐘至安置好。之後跟著地圖行去碼頭買船票。早上十點幾的Stavanger，整個城市好像在沉睡中，沿路的小店仍未開。乜外國人唔係好早起身？天邊有些烏雲，有些擔心今日會否落雨，若落雨行山，好易PK。
 |
| 小鎮街道 |
 |
| 勿勿一瞥的小教堂 |
 |
| 碼頭坐船去Perikestolen 當日有嘉年華 |
碼頭只可查船班，票在船上買。在我前面的幾個男生也是打算坐同一班船去Preikestolen碼頭。見仍有20分鐘的時間，我沒有跟他們一齊等到夠鐘，想盡用每分每秒多看這個逗留不足24小時的城市。開船前10分鐘我信步走向碼頭，咦，原來好多個pier，邊個至係去Preikestolen？忙亂咁不斷行不斷搵，搵到已經見班船開走咗。下一班再等多大半個鐘。欲哭無淚 T_T
不要怕，只要信
登船後我Whatsapp Ali 我miss
了船班次，他說我很大機會趕不到回程，要在那邊過一夜。我話我一定趕到最尾一班船(約5pm+)回來，可以準時6點半在火車站見面的。雖然我好少行山，不過我相信我可以做到的。
 |
| starting point...好遠呀, 希望唔好行錯路 |
 |
| 前段平路最易行 |
一開始是一大段平路，之後就是斜路，而且整條路徑都是大石塊，要半爬才可上到。行大舊石系我強項，以前在吐露港經常行，幾乎是可以疾走，所以在我一邊包雲呑的狀態下，仍可以比別人走得快。
心裡的目標清晰:沿途不會停下來看風景，只一心專注疾走上山。當行到山腰，見到另一片景色時，都會俾自己幾分鐘break去看一眼，影張相，然後再繼續專心趕路。
一直在山間行走，直到拐了灣，就看到那標誌性的破邊巨石斷崖。崖下川流不息，站在崖邊看遠處的山巒，有一種輕舟已過萬重山的況味。
有不少人會坐在崖邊，叫朋友幫自己拍個單頭大照。不過一個人出行，就是有這個情況:無人幫你影相。唯有影別人，表示那個都是自己（攪笑）。
我再行上一個可俯瞰整個Preikestolen的山丘，此時見到原本打算一齊坐船那幾個男生，原來他們到步不久，見我可以咁快上到山，都極為驚訝。然後我就叫佢地幫我影張相（當年手機無自拍功能)。
仲有十分鐘就要衝番落山。在這十分鐘裡，我安安靜靜地看著眼前的景色，看完，閉上眼，讓風景印在腦海裡，再看，再閉上眼。圖片會消失，會褪色。印象可能會沉澱，但可以保存更耐，甚至有一日可以在我夢內重現。
看著這鬼斧神工的巨石，我腦海搜索番以前地理課所學到的知識，想像一下哩舊石點樣出現。weathering ? erosion? 應該都係。世界真係好大，好多大自然景色都好莊麗，千里迢迢，就是為了能夠看上這一眼，我滿足了。好，下山！
介紹番我個host
: Ali
我一直未見過Ali，之前Navneet介紹Ali，我一直理解佢係中東或印度人。在火車站一直望著有冇貌似印巴籍既人，但都唔見，等到其他人都散去，我同Ali至相認，原來佢係白皮膚既，係羅馬尼亞人～
Ali的家不大，主色白色，很乾淨。只一間房，佢讓俾我瞓。廁所門有些壞，鎖不實，當我要用廁所，佢就會在屋外走走，非常gentleman。行完山到Ali家已是晚上，佢知我勁攰又餓，煮個晚餐一齊食，仲問要不要開洗衣機幫我洗衫。我當然唔客氣~ 好多host都好好人，好體貼，Ali都係。
一齊睇倫敦奧運開幕
當晚是倫敦奧運開幕之夜，我同Ali一齊睇電視，吹吹水。唔記得當晚傾咩，只記得大家好快熟落，嘻嘻哈哈。去男host的家作客，不管同對方相處如何，我都會好主動提我有男朋友，預早表明身份，可以減少不必要的尷尬場面發生。好多時host知道我仲有relationship，都會問咁對方點解會放心你一個人出門架～ 傾傾下，大家又會分享自己的愛情觀，世界觀等等。岩傾既host，時間會過得特別快～
在我旅程中，Stavanger完全係一個驚喜。如果不是host爽約，就不會遇到Navneet，無Navneet就無Stavanger之旅。有時候，際遇一事，福禍相依，未到最後，都唔使灰，可能柳暗花明天一村。
叉了一晚電，我又精神滿滿去下一站。Ali送我去坐車，並在我facebook留言叫我Miss Chan 加油~ 我去旅行，人地問我叫咩名，我話call me “Chan”。
“Hey Chan, how’s
your trip going?” ，哈哈。
下一站:Bergen
６小時的車程，瞓醒再計劃去Bergen做咩和瞓邊。
