第十六站: Norway-Bergen

Norway-Bergen

當公司的同事知道我會辭職去環遊世界，大家也送上問候，有個同事知道我去挪威，問我會不會去Bergen？當時我都預會上北歐，但未計劃實個行程，她說Bergen好靚，唔好錯過～所以在挪威，我預了一站到Bergen。

其實我去邊都無咩所謂，但會因為朋友的一句，而多了一個要去的理由。

半日擺地攤

在6小時的車程上都搵唔到host，而hostel都顯示full了。昨日跑完山，肌肉開始酸軟，好攰，因上車廂肖 攰到身體想作病，中午到步後食完late lunch，開始盤算今晚點過。手機沒有wifi，而且有訊號的地方不多。昨日跑完山，肌肉開始酸軟，好攰， 攰到身體想作病，唔想再周圍走。心想既然是流浪，不如試下擺地攤賣些小飾物，紀念品，拎番Ｄ現金去搵地方住。(27/7)

我在公園人流較多的位置放下大背囊，坐在草地上，鋪出小物品，在紙上個message，大概是：我在環遊世界中，希望你可支持我，物品自由出價。我以前外國人或小飾品會有興趣，坐2~3小時都乏人問津。見到已近5pm ，心想再坐下去都係發霉，要露宿街頭。都係去tourist center睇睇。

Best hostel at town—2 nights

在tourist center用wif之前明明唔見有位，點解又突然出現？可能有些人臨時取消了booking，所以去旅行，真係唔一定要well plan，隨時都有臨時驚喜～i搜了一圈，竟發現附近有名氣的YMCA仍有空床位，我即衝去報名。

在外國，很多budget hostel都地理位置都很好，在市中心。而且住的條件和設施都很不錯。在這YMCA 一晚都只是190 Nok dorm，靠近submit，仲有best sunset view，簡直是窮遊人的天堂。

YMCA hostel

Hostel附近有一家裝修美輪美奐的restaurant，紫色的拱頂，空間感好好，一睇就覺得好高檔，唔係我消費的範圍。原本打算入去繞個圈，順便用一陣wifi，入去至發現原來係個food court，咁好既～最後決定坐低食個餐，唔好日日食超市。

very nice decor 

food court 

Bergen 的晚上，景色好靚

山腰是一排排的歐陸式平房，紅色的屋頂，一段大斜路，這畫面好似宮崎駿筆下《魔女宅急便》，《夢幻街少女》的風景。幻想著藍爵會突然出現眼前，用那雙寶藍色的眼睛向我瞄一下，就悄然走開，哈哈　咁就真係太夢幻喇~　最美的風景，一個人睇，始終都係不夠美完。

在挪威的樹林看《挪威的森林》

Hostel後就是這區的山頂Fløyen，可以選擇坐幾分鐘的纜車上，亦可以沿著樹林慢慢行上去，我覺得可以慢步在挪威的樹林慢慢閱讀《挪威的森林》，在這個背景下看此書，同時Ｈ又重看，一齊去咀嚼某段文字和情節，彷彿跟他有某種程度上的交流和接觸，實在太美妙。

樹林的人不多，遇爾見到一兩張面孔，都是外國人。行山徑很幽靜，路很寬闊，清晰的標示，完全不可能迷路。一邊行一邊看書，在想：

到底我，是他的直子或是綠子？

Fløyen觀景台

行了約大半小時，就到山頂。山上的人開始多，因為正好可以看日落。觀景台可以俯瞰市內全景，遙望周邊的峽灣和島嶼。觀景台設有台階給市民坐著休息。想到香港，很多公共空間都不設坐位給市民。要坐，唔該去咖啡室或餐館。好似所有公共設計的核心，都係要推動一下消費。

談談Norwegian

在旅宿和一個德國女生談天，她說在挪威不易找host，但在德國就好易找。她作為host，每每accept couch request之時，surfer都說已有人accept。這些才是真正的德國人個性，他們外表冷，但很有熱誠。

今日約了一個Norwegian男仔出來café，大家傾下計，文化交流一下。我等了一個小時仍不見人。加上在Kristiansand爽約的那個，再一次証實了Navneet所講的Norwegian不易和別人交朋友。Very moody。

吸引力法則？

在Bergen的４天，是全然頹廢的生活。行左２日山（以前在香港，一年都唔行一次），攰到對腳唔屬於自己，而且日日咳到頭都赤，完全體力透支。日日轉行程，在精神上透支，所以我要放空一下自己，過著比local 更local的 hea生活。

一個下午超市逛，有個中國男人走黎同我講嘢，佢背一個大袋，旅行裝束，鬍子未刮清，2個鼻孔長長地叉出鼻毛有半節手指長，擺明好耐未修剪。佢操一口漏風既普通話，以為佢苦行他鄉，原來本地人，住左15年。他來讀博士生，之後就落地生根。佢話可以show me around ，不過我真系吾想同佢講嘢。 睇見佢個樣都飽，吾使睇風景。我話約左人，佢就留左電話俾我。點解D同胞經常都系甘，一D儀容都吾顧。同佢傾完，我即刻照下鏡，睇下自己係咪甘頹，不然佢點會走黎同我講嘢。

最後一眼

休息了4日，再繼續行程。今晚坐night train上去Trondheim，可以慳一晚住宿費。歐洲的night train坐位較闊，人性化好多，當然價錢都貴，好在Euro Pass都係扣一次的行程，抵左。

臨別之時，太陽正下山，天邊被染得橙紅的，靚到忍不住一再駐足觀賞。

下一站：Trondheim大學城